Only in Africa

Aðeins í Afríku fer maður veikur til læknis og er sendur í malaríutest..

En sem betur fer fékk ég ekki hringingu frá lækninum, svo ég er off the hook.

Hins vegar er ég með hressandi sýkingu í lungunum sem lýsir sér með öndunarerfiðleikum og hita. Rosa gaman!

ekki sniðugt

Margréti finnst þetta ekki lengur sniðugt.

Í september cirka í fyrra þurfti hún að fara til taugalæknis þar sem hún var greind með eitthvað sjaldgæft mígreni. Heldur betur gaman.

Síðasta laugardag fór Margrét svo í heimsókn til vina sinna, sem eiga ketti. Um leið og Margrét kom inn fyrir dyrnar fann hún kattaofnæmið hellast yfir sig svo hún tók ofnæmistöflu.

Í dag er föstudagur og Margrét er búin að vera með mikil andþyngsli síðan á laugardag. Svona eins og einhver sitji ofan á bringunni á mér. Læddist þá illur grunur að Margréti að þetta gæti verið astmi..leitaði hún þá að einkennum á doktor.is, sem reyndust vera 100% í samræmi við einkenni Margrétar. Meira að segja var nefnt að köst hefðust oft eftir að fólk hefði  verið nálægt köttum (ef fólk er með ofnæmi þeas). Frábært.

Á tíma kl 2:45, eða eftir 2klst og 9 mín. Það verður nú gaman. Læt ykkur vita hvernig fór.


Edit. Nýjasta nýtt

Er komin frá lækninum. Hún hlustaði, mældi og skoðaði og sagði að ég væri ekki astma. Fjúff. Hins vegar er ég með einhvers konar sýkingu, annað hvort í lungum eða þvagi. Jibbí Jei. Er víst með hita, sem ég tók ekkert eftir, bólginn háls, þvagþrufa sýndi sýkingu og ég veit ekki hvað og hvað. Svo hún skrifaði upp á sýklalyf, lyf til að hjálpa með öndun og verkjalyf.

En svo er annar möguleiki. Ég á að gjöra svo vel að fara í blóðprufu kl 4 til að tékka hvort ég sé nokkuð með malaríu. Wtf?! Það er samt ólíklegt, þar sem ég er á lyfjum gegn því, er ekki með það mikil einkenni, og það er langt langt síðan við komum aftur.

Fæ að vita í kvöld. Annars á ég að leysa út sýklalyfin á morgun.

Hrmpf

Fyrir cirka viku síðan sat ég hér heima og velti fyrir mér hvort ég ætti að skella þessari einu þvottakörfu í þvottavélina. Leit út og sá að sólin skein. Jújú klárum þetta hugsaði ég, og smellti vélinni af stað.

Þegar þvottavélin var svo búin um einum og hálfum tíma seinna fór ég út að hengja upp þvottinn. En þá leit ég upp og sá að skýin voru orðin skuggalega grá og ég hreinlega fann rigninguna vera að koma. Ekki leist mér á blikuna, en gat lítið í því gert þar sem ég er bara með snúrur úti.

Og viti menn. 10 mínútum seinna byrjaðu örfáir regndropar að falla. Svo kom hellidemba. Svo kom þriðjudagurinn 22. janúar og það er ennþá hellidemba.

En þrátt fyrir alla þessa hamingju á ég pantaðan tíma í klippingu kl 3 á morgun. Og ég keyri mótorhjól. Og það rignir enn. Halelúja.


Vill einhver skutla mer í klippingu á morgun?

Portofolio

Er tilbúið eftr langa og stranga bið. Njótið.

http://www.flickr.com/photos/57119420@N00/sets/72157603194011608/detail/

Ný klipping

Fín? Það held ég nú..

Myndir! MYNDIR MYNDIR!!

First things first samt. Kellingin á mótorhjól. Ok ok, þetta er kannski tæknilega vespa, en hún lítur mun mótorhjólalegra út en meðal vespan! ;) Og mín er glansandi svört og krómuð, með hjálm í stíl og boxi aftan á!
Fjárfestingin var gerð af brýnni nauðsyn, á næsta ári verð ég ekki með far í skólann, auk þess sem ég þarf alltaf að biðja afar fallega og vona það besta og bíða og bíða ef ég þarf far í myndaframköllun, búðina, nú eða bara KFC. Nú eru þeir dagar liðnir!
Svo er ég pottþétt með kaupanda að gripnum þegar ég kem aftur á klakann, þekki eina konu í mótorhjólaklúbb sem ætlar að redda því fyrir mig.
Hvernig lýst ykkur á??



Svo er kellingin á fullu að velja myndir í portofolio fyrir skólann. Í tilefni þess að ég get ekki valið setti ég mögulegar myndir á myndasíðu sem ykkur er hér með boðið að skoða. Þarf að velja 30+ myndir, svo þetta er augljóslega alltof mikið. Endilega segið mér hvað ykkur finnst, hverju á ég að halda og hverju á ég að henda?

http://www.flickr.com/photos/57119420@N00/

Fullt af myndum.

Gatan mín glæsilega, Riley Road

Á næsta götuhorni er bæði áfengisbúð og veitingastaður. Hvað þarf maður meira??

Aðeins lengra upp götuna mína, rosa fín búð til hægri (sjá næstu mynd)

Án efa einn glæsilegasti stórmarkaður í bænum, ef ekki heiminum

Einhverra hluta vegna eru ca. 15 flísabúðir á hverju götuhorni hér. Á þessari mynd eru 2.

Rosalega rosalega fín hraðbrautargatnamót.

Hraðbrautin á leiðinni í bæinn. Allar rafmagnssnúrur eru á staurum en ekki niðurgrafnar.

Miðbærinn úr fjarska.

Ekki spurning að maður verður að kíkja..

Miðbærinn, háhýsi í bland við eldgömul ógeðis hús.

Voða eitthvað sjabbí kertaverksmiðja

Þarna stendur "apartments for sale" við niðurnýtt hús í miðbænum. Viltu kaupa íbúð??

Hress gæi að selja dagblöð á götuhorni. Hér er hægt að kaupa allt á næsta götuhorni. Alllllt.