Myndir! MYNDIR MYNDIR!!

First things first samt. Kellingin á mótorhjól. Ok ok, þetta er kannski tæknilega vespa, en hún lítur mun mótorhjólalegra út en meðal vespan! ;) Og mín er glansandi svört og krómuð, með hjálm í stíl og boxi aftan á!
Fjárfestingin var gerð af brýnni nauðsyn, á næsta ári verð ég ekki með far í skólann, auk þess sem ég þarf alltaf að biðja afar fallega og vona það besta og bíða og bíða ef ég þarf far í myndaframköllun, búðina, nú eða bara KFC. Nú eru þeir dagar liðnir!
Svo er ég pottþétt með kaupanda að gripnum þegar ég kem aftur á klakann, þekki eina konu í mótorhjólaklúbb sem ætlar að redda því fyrir mig.
Hvernig lýst ykkur á??



Svo er kellingin á fullu að velja myndir í portofolio fyrir skólann. Í tilefni þess að ég get ekki valið setti ég mögulegar myndir á myndasíðu sem ykkur er hér með boðið að skoða. Þarf að velja 30+ myndir, svo þetta er augljóslega alltof mikið. Endilega segið mér hvað ykkur finnst, hverju á ég að halda og hverju á ég að henda?

http://www.flickr.com/photos/57119420@N00/

Fullt af myndum.

Gatan mín glæsilega, Riley Road

Á næsta götuhorni er bæði áfengisbúð og veitingastaður. Hvað þarf maður meira??

Aðeins lengra upp götuna mína, rosa fín búð til hægri (sjá næstu mynd)

Án efa einn glæsilegasti stórmarkaður í bænum, ef ekki heiminum

Einhverra hluta vegna eru ca. 15 flísabúðir á hverju götuhorni hér. Á þessari mynd eru 2.

Rosalega rosalega fín hraðbrautargatnamót.

Hraðbrautin á leiðinni í bæinn. Allar rafmagnssnúrur eru á staurum en ekki niðurgrafnar.

Miðbærinn úr fjarska.

Ekki spurning að maður verður að kíkja..

Miðbærinn, háhýsi í bland við eldgömul ógeðis hús.

Voða eitthvað sjabbí kertaverksmiðja

Þarna stendur "apartments for sale" við niðurnýtt hús í miðbænum. Viltu kaupa íbúð??

Hress gæi að selja dagblöð á götuhorni. Hér er hægt að kaupa allt á næsta götuhorni. Alllllt.

Jæja já

Í tilefni þess að hlutir hér eru skuggalega mikið ódýrari en á Íslandi ákvað ég að smella inn smá verðlista úr síðustu búðarferð. Gengið er yfirleitt milli 8 og 9 ISK, svo reiknið bara sjálf..

• Burðarpoki R0,21
• Einnota rakvélar, 5 stk, Gillette R8,49
• Dömubindi, 20stk, Always R24,99
• Reyktar svínakótilettur, 6 stk R 39,57
• JC Le Roux freyðivín, lítil flaska R 11,99
• Kók, 1L R 7,39
• Coco Pops Rá 16,99
• Súkkulaði stykki, 100gr R 4,59
• Frosin pizza m/pepperoni R 23,99
• Pepsi dósir, 6 stk R19,99
• Franskar kartöflur, 1kg R 15,49
• Kjúklingabringur peri peri, 2 stk R 10,16
• Snakkpoki, 125gr R 5,99
• Kjúklingapylsa fyrir 2-3 R 14,96
• Svínasteikur í rapsi, 4 stk R 11,83

Skemmtilegt finnst mér að 1 stk kjúklingabringa (ferskar, skinnlausar og úrbeinaðar btw) er á innan við 50 kr, á meðan sambærileg bringa á Íslandi er á ca 500kr.
Einnig er burðarpokinn á tæpar 2kr alveg jafn fínn og 15 króna bræður hans á Íslandi
Svo má kannski bæta við að kippan af bjór í gleri er í kringum 300kr...

Winning Streak

Margrét er aldeilis að gera sig þessa dagana..

Var að koma úr skólanum þar sem þeir dæmdu okkar "specific briefs". Þar fengum við öll mismunandi myndir sem við áttum síðan að taka sjálf. Ég fékk frekar óspennandi mynd af mann skugga sem fellur á svefnherbergis vegg. Voða gaman. Átti von á dauða mínum. En nei. Nær Margrét þessu ekki bara með glans! Er ekki enn búin að fá endanlega einkunn en það hljómaði í kringum 8 af 9 mögulegum. Ekki dónalegt það.

Svo um daginn áttum við að taka mynd af innanhúss arkitektur. Ég veit álíka mikið um þessháttar ljósmyndun og meðal íslendingur veit um Zimbabwe. Sem sagt ekkert. Fór svo í örvæntingu minni á hótel og tók 2 myndir. Tvær. Aldeilis að ég var dugleg að finna myndefni *hósthóst*. valdi svo eina af stofu með arin og stólum. Voða simetrískt. Voða flott? Varla. En náði ég? Það held ég nú! Fékk heila 4.03 af 4 mögulegum (allt umfram er bónus einkunn). Haha aldeilis að maður rústaði þessu!

Svo náttúrulega um daginn rústaði ég hljómsveitamyndatökunni. Múhaha. Fékk 10 af 10 mögulegum fyrir myndina sjálfa. Þurftum reyndar líka að púsla saman collage úr myndunum til að búa til plötuumslag. En viti menn, ég er ljósmyndari, EKKI grafískur hönnuður! Fékk samt 8 fyrir það, ekkert slæmt svo sem.

Heildareinkunn mín þessa stundina er eitthvað í kringum 85%. Ekki margir háskólanemar sem geta montað sig af svo myndarlegri einkunn. Múhaha. Mont mont.

PS. Ég veit að þið eruð öll að væla að þið viljið sjá myndir. En ég tek ennþá allt á filmu. Ef einhverjum langar að gefa mér filmuskanna skal ég sýna ykkur allar þær myndir sem þið viljið. En þangað til verðiði bara að hætta að kvarta og bíða þar til við förum að taka á digital. Það styttist í það.

PPS. Núna mega allir commenta og segja "Vá Margrét vá! Þú ert ótrúleg!" :)

I've been everywhere man..

10 lönd, eða 4% af heiminum. Ójá.

Hvar hef ég svo verið?

-Belgía-
-Danmörk-
-England-
-Frakkland-
-Holland-
-Ísland-
-Monaco-
-Suður Afríka-
-Svíþjóð-
-Þýskaland-

Engin kisa!

Þar sem kisa fannst ekki í tæka tíð verð ég að sleppa cat scan í bili.

..Svo líka sagði taugalæknirinn að þetta hljómaði alveg eins og sjaldgæf tegund mígrenis. Hann testaði svo viðbrögðin og sá ekkert að þar á bæ. Síðan skrifaði hann upp á mígrenislyf sem ég á að taka þegar þetta gerist. Hann bauð meira að segja upp á lyf sem stungið skal upp í botn, sem ég afþakkaði verulega pent! *lesist: hristi hausinn og sagði nei!!!*

Alltaf gaman að hafa mígreni. Fátt betra. Mæli með því.

Cat scan

Ég hef beðið eftir þessari stundu alla mína ævi. Já vinir og kunningjar, það er komið að því að ég fari í cat scan!

Af hverju? Nýlega hef ég verið að fá undarleg köst þar sem sjónin mín hverfur nánast, verður rosa þokukennd með annað hvort skærri doppu í sjóninni eða rönd. Svona eins og maður hafi horft beint í skært ljós. Og hafi fengið sér fáeina kalda. Eftir ca klukkutíma kemur sjónin svo aftur, og smá hausverkur hægra megin í höfðinu. Þetta hefur núna gerst 4 sinnum á innan við 3 mánuðum, síðustu 2 köst með 2ja daga millibili.

Í dag þegar þetta var að gerast í 4ða skiptið fór ég svo beinustu leið til læknis. Hún hleypti mér beint inn og skoðaði mig hátt og lágt. Hún sagði að þetta væri líklegast undarlegt mígreni (nánast án hausverks) eða flogaveiki án floga. EN til að útiloka tauga- eða heilavandræði sendi hún mig til taugasérfræðings næsta mánudag. Hann mun svo væntanlega senda mig í cat scan eða álíka scan. Stuð.

Eitt vandamál samt.. ég á engan kött ?